Аксҳо | Ҳавову ҳолати шаби охирини ҷумъаи моҳи Сафар дар Карбало

Рӯзҳои охири моҳи Сафар бо вафоти Расули Акрам (с), шаҳодати Имоми Ҳасан (а) ва шаҳодати Имоми Ризо (а) рост меояд ва ҳар кадоми ин рӯзҳо лоиқи таваллӣ ва пайванд бо ин шахсиятҳои муқаддас мебошанд. Гузашта аз ин, ҳамзамон шудани шаби охирини моҳи Сафар бо рӯзи ҷумъа, заминаеро фароҳам мекунад, ки мардум бештар ба Имоми Замон (аҷ) рӯ оваранд ва ба Ӯ таваллӣ кунанд.

Ба гузориши ИҚНО, ба нақл аз ал-Кафил, шаҳри муқаддаси Карбало шоҳиди таҷаммӯи густардаи зоирин дар шаби охирини ҷумъаи моҳи Сафар буд. Зоирин бо мақсади зиёрати Ҳарами Имоми Ҳусайн (а) ва Ҳазрати Абулфазли Аббос (а) ба ин шаҳр омада буданд. Дар ин шабу рӯз, Карбало миллионҳо зоир аз дохил ва хориҷи Ироқро пазируфт.

Арзиши зикри «Аллоҳумма салли ало Муҳаммад ва оли Муҳаммад ва аҷҷил фараҷаҳум», махсусан дар рӯзи ҷумъа хеле таъкид шудааст. То ҷое ки Имоми Содиқ (а) мефармояд: "Аҳли байт (а) ҳар рӯз 1000 бор бар Паёмбар (с) ва хонадони Ӯ салавот мефиристоданд, вале дар рӯзи ҷумъа ин теъдодро ба 10 000 бор мерасонданд, то савоби бештар ба даст оранд."

Барои пайравони аҳли байт, ки шояд дар зиндагии ҳаррӯзаи худ вақт надошта бошанд, тавсия шудааст, ки рӯзи ҷумъа 1000 бор ва дар рӯзҳои дигар 100 бор салавот фиристанд.

Аз дигар амалҳое, ки дар шаби ҷумъаи охирини моҳи Сафар таъкид шудааст:

Садақа додан,

Зикри "Аллоҳу Акбар" ва "Ло илоҳа иллаллоҳ",

Ҳамчунин хондани ду ракъат намоз, ки дар ҳар ракъаташ сураи Ҳамд ва баъд аз он сураи Анъом хонда шавад, ки савоби зиёде дорад.

Рӯза доштан дар ин рӯзҳои охири моҳи Сафар низ бисёр арзишманд шумурда мешавад.

Дар поён, аксҳоеро аз ҳавову ҳолати зоирони Ҳарами Имоми Ҳусайн (а) ва Ҳазрати Аббос (а) дар шаби охирини ҷумъаи моҳи Сафар дар шаҳри Карбало мебинед.

4301133